Онлайн дэлгүүр яаж нээх вэ?
OpenShop дээр онлайн дэлгүүрийг код бичихгүйгээр, сарын хураамжгүй нээнэ. app.openshop.mn хаягаар Google эсвэл имэйлээр нэвтэрч, утасны дугаараа баталгаажуулаад ДАН-аар иргэний мэдээллээ нэг удаа баталгаажуулна. Дараа нь юу зарахаа сонгож, дэлгүүрийн нэр, хаягаа оруулаад гэрээгээ зөвшөөрнө. Бараагаа нийтэлж, төлбөрөө холбомогц дэлгүүр тань нэр.openshop.mn хаягаар худалдан авагчдад нээлттэй болно.
Онлайн дэлгүүр нээхэд юу хэрэгтэй вэ?
Дэлгүүр нээхэд Google хаяг эсвэл имэйл, 8 оронтой утасны дугаар, e-Mongolia-д нэвтэрдэг ДАН бүртгэл хэрэгтэй. Нэг иргэн нэг бүртгэлтэй байна. Төлбөр хүлээн авахын тулд дэлгүүрийн мэдээллээ илгээж зөвшөөрөл аваад банкны дансаа холбоно. И-баримт олгох бол ТТД-ээ оруулна. Вэб хөгжүүлэгч, сервер, хостинг хэрэггүй.
- Бүртгэл: Google хаяг эсвэл имэйл. Имэйлээр нэвтрэхэд 8 оронтой код ирнэ, нууц үг санах шаардлагагүй.
- Утас: 8 оронтой дугаар, нэг удаа мессежээр баталгаажуулна.
- ДАН: sso.gov.mn-ээр иргэний мэдээллээ нэг удаа баталгаажуулна.
- Төлбөр: дэлгүүрийн мэдээлэл, операторын гэрээ, орлого хүлээн авах банкны данс.
- И-баримт: ТТД, НӨАТ төлөгч эсэх, байршил, гол барааны ангиллын код.
Дэлгүүрээ алхам алхмаар хэрхэн нээх вэ?
Бүртгүүлэхээс худалдан авагчид нээлттэй болох хүртэл доорх дарааллаар явна. Консолын нүүр хуудас юу хийгдсэн, юу үлдсэнийг жагсааж, дараагийн алхам руу шууд аваачна. Дэлгүүр үүссэний дараа бараа, дизайн, төлбөрийн алхмыг хүссэн дарааллаараа хийж болох ч худалдан авагч төлөхийн тулд төлбөр холбогдсон байх ёстой.
- app.openshop.mn хаягийг нээж Google эсвэл имэйл кодоор нэвтэрнэ. Бүртгэл анх нэвтрэхэд үүснэ.
- Үйлчилгээний нөхцөлийг уншиж зөвшөөрөөд утасны дугаараа баталгаажуулна.
- ДАН-аар баталгаажуулах товчоор sso.gov.mn-д нэвтэрч иргэний мэдээллээ баталгаажуулна.
- Юу зарахаа сонгоно: онлайн дэлгүүр, цахим ном ба файл, видео сургалт, цаг захиалга, арга хэмжээний тасалбар.
- Дэлгүүрийн нэрээ бичихэд латин хаяг автоматаар үүснэ. Хаягийг дараа нь солих боломжгүй тул богино, ойлгомжтой сонгоно.
- Хувь хүн эсвэл байгууллагаар эрхлэхээ сонгож, худалдаалагчийн гэрээг уншаад Дэлгүүр үүсгэх товчийг дарна.
- Консолд бараагаа нэмнэ: нэр, үнэ, зураг, 50-аас дээш тэмдэгттэй тайлбар, ангилал.
- Төлбөр хэсэгт QPay, картын төлбөр эсвэл өөрийн гэрээтэй хэтэвч, хэсэгчлэн төлөх хэрэгслээ холбоно.
- Дэлгүүрээ утсаар нээж худалдан авагчийн нүдээр шалгаад, бага дүнгээр нэг бодит төлбөр хийж туршина.
Онлайн дэлгүүр нээхэд хэр хугацаа шаардлагатай вэ?
Бүртгэл, ДАН баталгаажуулалт, дэлгүүр үүсгэх алхам хэдхэн минут болно. Заавар дахь бүх алхмыг нийлүүлбэл ойролцоогоор 52 минут. Төлбөр болон и-баримтын хүсэлтийг хянаж зөвшөөрөх хугацаа үүн дээр нэмэгдэх тул тэдгээрийг эхний өдрөө илгээгээрэй. Зөвшөөрөл хүлээх хооронд бараа, зураг, тайлбар, дизайнаа бэлдэж болно.
Дэлгүүр нээхэд код бичих, вэб хийлгэх шаардлагатай юу?
Шаардлагагүй. Дэлгүүрийн харагдах байдлыг консолоос өнгө, фонт, лого, нүүр хуудасны блокоор тохируулж, өөрчлөлтөө компьютер, таблет, утасны харагдацаар урьдчилан хараад нийтэлнэ. Барааны хуудас, сагс, төлбөр, захиалгын бүртгэл бэлэн ажилладаг. Өөрийн системтэйгээ холбох бол Open API, webhook ашиглаж болох ч энэ нь заавал биш.