← Бүх зөвлөгөө

Онлайн дэлгүүрт и-баримт хэрхэн автоматаар олгох вэ?

Товч хариулт

OpenShop дээр и-баримт тохируулсан дэлгүүрт төлбөр баталгаажих бүрд баримт таны ТТД дээр автоматаар гарч, худалдан авагчийн имэйл рүү очно. Тохируулахдаа консолд ТТД, НӨАТ төлөгч эсэх, байршил, барааны ангиллын кодоо илгээж OpenShop-ийн зөвшөөрөл авна. Дараа нь e-invoice.ebarimt.mn дээр операторын холболтыг өөрөө нэг удаа зөвшөөрөөд и-баримт олгохыг асаана.

И-баримт олгоход юу хэрэгтэй вэ?

Байгууллагын ТТД, НӨАТ суутган төлөгч эсэх мэдээлэл, байршлын код, гол барааныхаа БҮНА ангиллын код хэрэгтэй. ТТД-ээ мэдэхгүй бол 7 оронтой регистрээрээ хайж олно. Мөн e-invoice.ebarimt.mn-д нэвтрэх байгууллагын эрх хэрэгтэй, учир нь операторын холболтыг зөвхөн та өөрөө зөвшөөрнө. Тохиргоог эзэн эсвэл админ хийнэ.

И-баримтыг алхам алхмаар хэрхэн тохируулах вэ?

Тохиргоо гурван үе шаттай: мэдээллээ илгээх, OpenShop-ийн зөвшөөрөл, e-invoice.ebarimt.mn дээр операторын холболтыг зөвшөөрөх. OpenShop таны хүсэлтийг зөвшөөрөхдөө ТТД-г и-баримтын операторт автоматаар илгээдэг. Холболт идэвхжих хүртэл төлөгдсөн захиалгад баримт гарахгүй бөгөөд хожим нөхөж гарахгүй тул дэлгүүрээ нээсэн өдрөө аль болох эрт эхлүүлээрэй.

  1. Консолын Тохиргоо, И-баримт хэсгийг нээнэ.
  2. ТТД-ээ оруулж, НӨАТ төлөгч эсэх, байршлын код, гол барааны ангиллын кодоо сонгоод Зөвшөөрөл хүсэх товчийг дарна.
  3. OpenShop зөвшөөрсний дараа Оператор холболт мөрөнд Таны зөвшөөрөл хүлээгдэж байна гэж гарна.
  4. e-invoice.ebarimt.mn-д байгууллагын эрхээр нэвтэрч Операторын холболт хэсгээс Билдрай Эй Ай операторын хүсэлтийг зөвшөөрнө.
  5. Консолд буцаж Дахин шалгах дарна. Холболт Идэвхтэй болмогц И-баримт олгох унтраалгыг асааж хадгална.

Худалдан авагч байгууллагын нэр дээр баримт авч болох уу?

Болно. Худалдан авагч захиалга өгөхдөө байгууллагын ТТД-ээ оруулбал баримт тухайн байгууллагын нэр дээр гарна. Хувь хүн регистрийн дугаараа оруулбал баримт өөрийнх нь нэр дээр гарна. Аль нь ч оруулаагүй бол энгийн хувь хүний баримт гарна. Аль ч тохиолдолд баримт худалдан авагчийн имэйл рүү автоматаар очно.

НӨАТ төлөгч биш бол и-баримт олгох уу?

Олгоно. НӨАТ суутган төлөгч биш дэлгүүр ч и-баримт олгох бөгөөд тохиргооны үед НӨАТ төлөгч эсэхээ зөв сонгоно. НӨАТ төлөгч бус байгууллагын баримтад НӨАТ тооцогдохгүй. Татвар төлөгчийн төрөл өөрчлөгдвөл консолоос өөрөө солихгүй, OpenShop-т хандаж шинэчлүүлнэ. Татварын асуудлаа нягтлан бодогчтойгоо зөвлөхийг зөвлөж байна.

Дэлгүүрээ үнэгүй нээгээрэйСарын хураамж 0₮, борлуулалтаас хувь авахгүй.
Үнэгүй эхлэх →
Асуулт

Нэмэлт асуултууд.

01И-баримт олгох нэмэлт төлбөртэй юу?

Үгүй. И-баримтын автомат олголт сарын 0₮ нөхцөлд багтсан, OpenShop үүнд тусдаа төлбөр авахгүй.

02Бараа тус бүрд өөр ангиллын код тавьж болох уу?

Болно. Барааны засварын И-баримт таб дээр баркод эсвэл өөр ангиллын код тохируулна. Баркодоор баримтын мэдээлэл автоматаар бөглөгдөнө.

03Операторын хүсэлт e-invoice.ebarimt.mn дээр харагдахгүй байвал?

Оператор таны ТТД-г бүртгэж байна гэсэн үг. Нэг ажлын өдрийн дараа дахин шалгаарай.