Цахим бараа, PDF ном, видео сургалтыг онлайнаар зарах нь
Татах файл, онлайн унших PDF ном, лиценз код, видео курсээ зарах: файлын шалгалт, тамга, хандалтын хугацаа, үнийн сонголт, худалдан авагчийн хүлээн авалт.
OpenShop дээр татах файл, онлайн унших PDF ном, лиценз ба ваучерын код, видео сургалтыг ердийн бараатай адил зарна. Төлбөр төлөгдмөгц худалдан авагчид хандах холбоос имэйлээр автоматаар очих бөгөөд хүргэлтийн хаяг, хүргэлтийн төлбөр асуухгүй. Файл бүр вирусын шалгалт давсны дараа л худалдан авагчид нээгдэнэ.
Ямар цахим бараа зарж болох вэ?
- Татах файл: PDF, EPUB, ZIP, Office баримт, аудио, зураг, фонт зэрэг.
- Онлайн унших PDF: номыг татуулахгүйгээр хөтөч дээр уншуулна.
- Цахим код: лиценз, ваучер, идэвхжүүлэх код.
- Онлайн курс: бүлэг, хичээлтэй видео сургалт.
- Бүх курсын багц: нэг төлбөрөөр дэлгүүрийн бүх курсыг тодорхой хугацаанд нээнэ.
Эхлээд юуг тохируулах вэ?
Тохиргоо хуудасны Үйл ажиллагаа таб дээр Цахим ном, файл эсвэл Видео сургалтыг асаана. Асаасан хэсэг бүр консолын цэсэнд гарч ирнэ. Дараа нь Цахим бараа нэмэх товчоор Юу зарах вэ? хэсгээс Татах файл эсвэл Цахим код-ыг сонгож, нэр, үнэ, үндсэн зургаа оруулна. Нийтлэхэд ердийн бараатай ижил бүрдэлт дээр нэмж дор хаяж нэг бэлэн файл хэрэгтэй.
Татах файлыг хэрхэн байршуулах вэ?
- Барааны Хүргэлт таб дээрх Татах файлууд хэсэгт файлаа чирж оруулна.
- Хуулж дуусмагц файл вирусын шалгалтад орно. Бэлэн болмогц л худалдан авагчид нээгдэнэ.
- Татах хязгаар хэсэгт Хэдэн удаа татах, Хэдэн хоног-оо тавина. Шинэ бараанд 5 удаа, 30 хоног гэж тавигдсан байдаг.
Нэг бараанд 10 хүртэл файл нэмнэ. exe, apk зэрэг гүйцэтгэх файл зөвшөөрөгдөхгүй. PDF хуудас бүрд худалдан авагчийн нэр, захиалгын дугаар, мөрдөх код тамгалах унтраалга шинэ бараанд асаалттай байдаг. Татсан файлыг цааш тараахыг бүрэн хаах боломжгүй ч тамга нь тарсан хуулбар хэний худалдан авалтаас гарсныг тогтооход тусална.
PDF номыг онлайнаар хэрхэн уншуулах вэ?
Хүргэлт таб дээрх Хүргэх хэлбэр-ээс Татаж авах, Онлайн унших эсвэл Хоёулаа-г сонгоно. Онлайн унших хэлбэрт худалдан авагч файл татаж чадахгүй, хуудас бүрд түүний нэр, захиалгын дугаар, мөрдөх код бүдэг тамгалагдана. Хандах хугацааг хоногоор тавьж болно. Дэлгэцийн зураг авахаас бүрэн сэргийлэх боломжгүй тул хуулбар тарсан гэж үзвэл цэсний Хуулбар шалгах хэсэгт мөрдөх кодыг оруулж аль худалдан авалтаас гарсныг харна.
Лиценз, ваучерын кодыг хэрхэн зарах вэ?
Цахим код төрлөөр бараа үүсгээд Хүргэлт табын Кодын сан хэсэгт CSV эсвэл TXT файл (мөр бүрд нэг код) оруулна, эсвэл кодуудаа шууд буулгана. Шалгах товчоор хэд нэмэгдэх, хэд давхардсаныг урьдчилан харна. Нэг удаад 10,000 хүртэл код оруулна. Үлдэгдэл нь сан дахь бэлэн кодын тоогоор автоматаар тооцогдох бөгөөд код дуусвал бараа Дууссан гэж харагдана. Кодууд шифрлэгдэж хадгалагдах тул консолд дахин бүтнээр харагдахгүй, эх файлаа өөртөө хадгална.
Видео сургалтыг хэрхэн бэлтгэх вэ?
- Цэсний Видео сургалт хэсгийн Сургалтууд руу ороод Сургалт нэмэх товчийг дарна.
- Юу зарах вэ? хэсгээс Онлайн курс-ыг сонгож нэр, үнэ, зургаа оруулна.
- Хүргэлт таб дээрх Курсын хөтөлбөр засах товчоор + Хэсэг, + Хичээл нэмнэ. Хичээл Текст, Видео, Файл төрөлтэй.
Видео 4 GB хүртэл байж болох ба хуулсны дараа хэдэн минут боловсруулагдана. Үнэгүй үзүүлэх унтраалгатай хичээл барааны хуудсанд хүн бүрт нээлттэй тул курсынхаа эхний хичээлийг үзүүлж, сонирхлыг татаж болно. Курс нийтлэхэд дор хаяж нэг бэлэн хичээл хэрэгтэй.
Хандалтын хугацаа, үнийн сонголтыг хэрхэн тавих вэ?
Курсын хөтөлбөр хуудасны Хандалтын сонголт, үнэ хэсэгт + Сонголт товчоор Насан туршийн эсвэл хоногоор (1–3650) хугацаа, үнэ нэмнэ. Нэг курсэд 6 хүртэл сонголт байна, жишээ нь 30 хоног 49,000₮, 90 хоног 99,000₮. Хугацаатай хандалтыг дахин авбал үлдсэн хоног дээр нэмэгдэнэ. Хугацаа дууссан сурагчийн явц хадгалагдана.
Худалдан авагч юу хүлээн авах вэ?
Нэвтрээгүй худалдан авагч цахим бараа захиалахдаа имэйлээ заавал бичнэ. Төлбөр төлөгдмөгц Худалдан авалтаа нээх товчтой имэйл очиж, файлаа татах, онлайн унших, кодоо харах, курсээ эхлүүлэх боломжтой болно. Курс үзэхэд худалдан авагч нэвтэрнэ. Захиалгын дэлгэрэнгүйн Тоон хүргэлт хэсгээс холбоос дахин илгээх, хуучин холбоосыг хүчингүй болгох, хандалтын хугацааг +30 хоногоор сунгах боломжтой.
Дэлгэрэнгүй заавар
Файл, PDF уншигч, цахим код, курсын алхам бүрийг Цахим бараа ба сургалт гарын авлагаас үзнэ үү.