Бэлгийн карт: баярын улиралд борлуулалтаа нэмэх нь
Зөвхөн танай дэлгүүрт зарцуулагдах бэлгийн карт: дүн ба хугацаа, 20% хүртэлх бонус, дизайн, хэвлэх, CSV-ээр бөөнөөр олгох, и-баримт, сануулга.
Бэлгийн карт бол танай дэлгүүрийн гаргаж, зөвхөн танай дэлгүүрт зарцуулагддаг урьдчилсан төлбөр бөгөөд баярын үеэр юу бэлэглэхээ шийдэж чадахгүй байгаа хүмүүст бэлэн шийдэл болдог. OpenShop дээр бэлгийн картыг ердийн бараа шиг нэмж, дүнгүүд, хүчинтэй хугацаа, 20% хүртэлх урамшуулал, дизайнаа тохируулаад зарна. Төлбөр таны данс руу шууд орно.
Бэлгийн карт баярын улиралд яагаад тохиромжтой вэ?
Шинэ жил, Цагаан сар, Эмэгтэйчүүдийн баяр, байгууллагын бэлэг гэх мэт үед хүмүүс бэлэг хайдаг ч хүлээн авагчийн хэмжээ, сонирхлыг мэддэггүй. Бэлгийн карт энэ асуудлыг шийдэж, сонголтыг хүлээн авагчид үлдээнэ. Хүлээн авагч танай дэлгүүрт анх удаа ирж магадгүй тул шинэ худалдан авагчтай танилцах боломж ч болно. Карт нь цахим тул хүргэлт шаардахгүй, сүүлийн мөчид ч бэлэглэж болно.
Бэлгийн картыг хэрхэн үүсгэх вэ?
- Бараа хэсгээс шинэ бараа нэмэхдээ Юу зарах вэ? дээр Бэлгийн карт сонгож нэр, зургаа оруулна.
- Барааг засах хуудасны Бэлгийн карт таб дээр худалдан авагчийн сонгох дүнгүүдийг нэмнэ (8 хүртэл), жишээ нь 50,000₮, 100,000₮, 200,000₮. Худалдан авагч дүнгээ өөрөө оруулж болох эсэхийг сонгоно.
- Хүчинтэй хугацаа, Урамшуулал (%), Картын загвар, Нөхцөлөө тохируулж Хадгалах товчийг дарна. Дараа нь барааг нийтэлнэ.
Картын таван янзын дизайн танай дэлгүүрийн үндсэн өнгөөр будагдах ба имэйл, хэвлэмэл хувилбарт ижил харагдана. Нэг картын дүн 2,000,000₮ хүртэл байна.
Урамшуулал (бонус) хэрхэн ажилладаг вэ?
Урамшуулал 0–20% байна. Жишээ нь 10% тавибал худалдан авагч 100,000₮ төлөөд 110,000₮-ийн карт авна. Нэмэгдсэн 10,000₮ нь борлуулалтад тооцогдохгүй. Карт зарцуулахад эхлээд төлсөн хэсэг, сүүлд нь урамшууллын хэсэг хасагдана. Баярын өмнөх богино хугацаанд урамшуулал тавьж, баяр дуусмагц 0 болгох нь түгээмэл арга.
Худалдан авагч картыг хэрхэн авч, хэрэглэх вэ?
- Картыг өөртөө эсвэл бэлэг болгон авна. Бэлэг бол хүлээн авагчийн имэйл, мэндчилгээг бичнэ.
- Картын код имэйлээр очно. Захиалга хийхдээ Бэлгийн карт ашиглах холбоосоор кодоо оруулж төлнө. Нэг захиалгад 3 хүртэл карт хэрэглэнэ.
- Картын үлдэгдэл захиалгын дүнд хүрэлцэхгүй бол үлдсэн хэсгийг ердийн аргаар төлнө.
- Картыг бусад дэлгүүрт ашиглах, бэлэн мөнгө болгох, үлдэгдлийг нэмж цэнэглэх боломжгүй.
Байгууллагын захиалгад картыг бөөнөөр хэрхэн олгох вэ?
Маркетинг → Бэлгийн карт хэсэгт зарагдсан болон олгосон бүх карт төлөв, анхны дүн, үлдэгдэлтэйгээ харагдана. Эндээс:
- Карт олгох: дүн, хүчинтэй хугацаа, шалтгаанаа бичнэ. Хүлээн авагчийн имэйл бичвэл код тэр хаяг руу очно.
- Бөөнөөр олгох: CSV файлаар 200 хүртэл карт нэг дор олгоно. Хүлээн авагчийн имэйл заавал, Шалгах товчоор алдааг урьдчилан харна. Байгууллагын ажилчдад баярын бэлэг өгөхөд тохиромжтой.
- Хэвлэх: картыг хэвлэх хувилбараар гаргана. Бүтэн код зөвхөн картын имэйлд байдаг, эсвэл гараар олгох үед нэг л удаа харагдана.
Картыг дарахад гүйлгээний түүх харагдах ба шаардлагатай бол түр хаах, хүчингүй болгох, дахин олгох боломжтой.
И-баримт хэрхэн олгогдох вэ?
Маркетинг → Бэлгийн карт хуудасны доод талын И-баримт хэсэгт картын и-баримтын горимыг сонгоно. Анхдагч горимоор картыг зарахад баримт гарахгүй, харин картаар худалдан авалт хийхэд баримт олгогдоно. Урамшууллын хэсэг баримтад орохгүй. Горим солиход зөвхөн цаашид зарагдах картад үйлчилнэ. Татварын асуудлаа нягтлантайгаа зөвлөнө үү.
Картын хугацаа ба сануулга
Картыг хугацаагүй эсвэл тодорхой сараар хүчинтэй болгож болно. Хугацаатай картын эзэмшигчид хугацаа дуусахаас 30 ба 7 хоногийн өмнө сануулах имэйл автоматаар очно. Энэ нь картаа мартсан хүнийг дэлгүүрт тань эргүүлэн авчирдаг. Картын үлдэгдэл бол танай дэлгүүрийн хүлээх үүрэг тул нийт үлдэгдлээ тогтмол харж байгаарай.
Дэлгэрэнгүй заавар
Бэлгийн карт үүсгэх, олгох, удирдах алхам бүрийг Маркетинг гарын авлагаас үзнэ үү. Дэлгүүр хараахан нээгээгүй бол app.openshop.mn-ээс эхэлнэ.